دنیا منه بیر درین قویو دور سن سیز واضح دی کی سنده مبتلا سن من سیز
عمرون کتابئن عشقدی معنالی ائدن شهنامه نه دیر منیژه سیز بیژن ســـــــیز .
..........................................
قئش غصه لری بهاریله چاتدی باشـــــا فقرین ده جفاسی واریـــــــــله چاتدی باشا
بوندان بله دوز سؤز آختارئرسان گؤرورم خوش گؤن اویوموش کی یاریله چاتدی باشا .
............................................
بیر عمر کؤنول اوتوپیا آختاریری ظلمت ده قالیپ نور و ضیا آختاریری
تا دهکده ی جهانی تشکیل تاپا بیر مهر و وفالی کدخدا آختـــــــاریری.
.............................................
تاریخ بنی آدمی بیر بیر دوغـــوری بورنون اولا اولمیا گوناهی اوغـــوری
موسی ایله فرعونه تفاوت گویمور بیر بیر گتیریر اؤلوم سویوندا بوغوری.
..............................................
ایثار و وفا لفظینه معنا دی آنـــــــا شـایسته ی آفرین و طوبی دی آنـا
اسطوره ده اولماز بله بیر معنا ده عشق عالمینه غریو و غوغا دی آنا
..............................................
ای شانیوه منشور یوز اون دورد سوره نارس دی سنون تعریفیوه اسطوره
عشقون اتوراق ائدیپدی تا کونــلومده ویرانه نی دوندریپ ائدیپ معــموره
.............................................